Apr
20
Category: Jańalıqlar
Mar
03
UNEVOC ekspertleriniń qatnasıwında kásiplik bilimlendiriw pedagogları ushın seminar-treninglar bolip otti. Kásiplik bilimlendiriw agentligi hám UNESCO-UNEVOC penen birgelikte Tashkent qalasında sistema juwapkerleri hám texnikum pedagogları ushın kásiplik bilimlendiriwdi rawajlandırıwdıń ámeliy mexanizmleri boyınsha oqıwlar shólkemlestirildi.
UNEVOC ekspertleriniń qatnasıwında professional bilimlendiriw pedagogları ushın seminar-treningler bolıp ótti.
Kásiplik bilimlendiriw agentligi hám UNESCO-UNEVOC penen birgelikte Tashkent qalasında sistema juwapkerleri hám texnikum pedagogları ushın kásiplik bilimlendiriwdi rawajlandırıwdıń ámeliy mexanizmleri boyınsha oqıwlar shólkemlestirildi. Onda jumıs beriwshilerdiń talapları tiykarında kompetenciyaǵa tiykarlanǵan oqıw baǵdarlamaların islep shıǵıw, bahalaw hám sertifikatlaw sistemasın jetilistiriw, ishki sapanı támiyinlew hám RBM qatnasın engiziw máseleleri qamtıp alındı. UNEVOC – UNESCO janındaǵı kásiplik bilimlendiriw tarawında global kólemde tájiriybe almasıw hám reformalardı qollap-quwatlaw orayı bolıp, 150 den aslam mámleketti qamtıp alǵan xalıqaralıq tarmaq arqalı aldıńǵı tájiriybe hám siyasiy usınıslardı qáliplestiredi. Ushırasıwda aldınǵı sırt el tájiriybeleri tiykarında 300 pedagogtı kásiplik kónlikpelerin rawajlandırıw, ishki sapanı támiyinlew mexanizmlerin kúsheytiw boyınsha mamanlıǵın arttırıw hám bilimlendiriw baǵdarlamalarına jasıl kónlikpelerdi sińdiriw boyınsha oqıtıwǵa kelisip alındı.
Feb
26
No’kis aldinği kásiplik sheberlik texnikuminda áhmiyetli ilaj bolıp ótti.
No’kis aldinği kásiplik sheberlik texnikuminda oqiwshi jaslardin’ salamatliğin bekkemlew “Reproduktiv salamatlıq hám onıń áhmiyeti” atamalarında ruwxıy-aǵartıwshılıq hám medicinalıq-profilaktikalıq ilaj shólkemlestirildi. Bul ilajdıń tiykarǵı maqseti, oqiwshi jaslar arasında salamat turmıs tárizin úgit-násiyatlaw, olardıń medicinalıq bilimlerin arttırıw keselliklerdiń aldın alıw boyınsha zárúr usınıslar beriwden ibarat boldı. Ilajǵa Respublikalıq jas óspirimler dispanseri terapevt shıpakeri J.Sulaymanova , orta medicina feldsheri A.Netullaev,hám oqiw isler boyinsha direktor orinbasari , O’ Tilewov, hám texnikumnin’ hayal qizlar baslig’i G.Qurmanova,hám Student jaslar qatnastı. Ushırasıw dawamında, Shipáker tárepinen tuwri awqatlaniw asqazan ishek kelellikleri kem qanliq ha’mde ziyanli Ishimlikler haqqinda tusinik berdi hám shipaker J.Sulaymanova qizlar menen ken’nen sawbetlesti.
Dec
10
Nókis qalası Transport texnikumında hayal-qızlardıń huqıqların qorǵaw hám gender teńlikti támiyinlew kepillikleri haqqında seminar bolıp ótti.
Seminarda Qaraqalpaqstan Respublikası Ádillik ministrliginiń sektor baslıǵı I.Aldabergenov, sektor bas másláhátshileri Sh.Saliyeva, N.Erniyazova sózge shıǵıp, Ózbekstanda shańaraqtı bekkemlewge baylanıslı mámleketlik siyasat, shańaraqlıq-huqıqıy qatnasıqlar, shańaraq bekkemligin támiyinlewde milliy qádiriyatlar, diniy-ádep-ikramlılıq qádiriyatlar arqalı gender teńlikti támiyinlewde erli-zayıplılar, qayın ata-apalardıń huqıq hám minnetlemeleri haqqında túsinikler berdi.
Sonday-aq, Konstituciyamızdıń mazmun-mánisi hám áhmiyetine, kirgizilgen sońǵı ózgeris hám qosımshalarǵa toqtalıp ótti. Ilaj dawamında bayanatshılar tárepinen Konstituciya-ámelge asırılıp atırǵan demokratiyalıq reformalardıń hám olardıń nızamshılıq tiykarların jaratıwdıń baslı huqıqıy tiykarı, insan huqıq hám erkinlikleriniń isenimli qorǵalıwınıń kepili bolıp esaplanatuǵınlıǵı ayrıqsha atap ótildi.
Dec
04
Nókis aldıńǵı hám kásiplik sheberlik texnikumı Evropa bilimlendiriw fondınıń Oraylıq Aziyada potenciallı jaslar ushın qarım-qatnas hám ámeliy háreketler DARYA joybarı tárepinen oqıw procesin shólkemlestiriwdi rawajlandırıwǵa qaratılǵan “SCAFFOLD” metodikalarınan paydalanıw boyınsha regionallıq oqıw seminarında qatnaspaqta.
Nókis aldıńǵı hám kásiplik sheberlik texnikumı Evropa Bilimlendiriw Fondı (ETF) nıń Oraylıq Aziya mámleketlerinde potenciallı jaslar ushın qarım-qatnas hám ámeliy háreketlerdi qollap-quwatlawǵa qaratılǵan “DARYA” joybarı sheńberinde shólkemlestirilgen regionallıq oqıw seminarında belsene qatnaspaqta.
Bul seminar oqıw procesin nátiyjeli shólkemlestiriw, zamanagóy pedagogikalıq qatnaslardı ámeliyatqa engiziw hám bilimlendiriwdiń sapasın arttırıwǵa qaratılǵan. Atap aytqanda, qatnasıwshılar “SCAFFOLD” metodikası tiykarında bilim beriw usılları, studentlerdiń erkin pikirlewdi rawajlandırıw, basqıshpa-basqısh qollap-quwatlaw arqalı bilim hám kónlikpelerdi qáliplestiriw mexanizmleri menen jaqınnan tanıspaqta.
Seminar dawamında:
oqıw procesin jobalastırıwdıń innovaciyalıq usılları;
ámeliy sabaqlardı nátiyjeli shólkemlestiriw;
studentlerdiń belsendiligin arttırıwǵa qaratılǵan interaktiv metodlar;
kompetenciyaǵa tiykarlanǵan bilimlendiriw kózqarasları dodalanbaqta.
Bul ilaj texnikum pedagogları ushın xalıqaralıq tájiriybeni úyreniw, óz-ara pikir alısıw hám bilimlendiriw procesin shólkemlestiriwge xızmet etedi.
Dec
01
1-dekabr Qaraqalpaq tiline Mamleketlik til biyligi berilgen kun munasabeti menen otkerilgen Ana tilin arin bul atamasindagi adebiy keshe.
1-dekabr — Qaraqalpaq tiline Mamleketlik til biyligi berilgen kún munasabeti menen ádebiy keche ótkildi
Nukus Transport Texnikuminda 1-dekabr — Qaraqalpaq tiline Mamleketlik til biyligi berilgen kún munasabeti menen “Ana tilim — arınım” atamasındaǵı ádebiy keshe saltanatlı ráwishte ótkildi.
Ilm-pán hám tárbie isleri menen shuǵullanatuǵın oqıwshılar hám studentler qatnasıwında ótken sharanıń maqsatı — jaslar arasında ana tilimizge bolǵan hɵrmetti arttırıw, milliy qádriyatlarımızdı saqlaw hám rawajlandırıw, sonday-aq tilge bolǵan súyіspenshilik sezimin bekkemlewden ibarat boldı.
Keshede studentler tomoninan:
Qaraqalpaq tiliniń tariyxı hám rawajlanıw basqıshları haqqında bayandamalar;
Ana tili haqqında óleń-sherler;
Kórkem oqıwlar hám sahnalıq kórіnіsler;
Milliy muzıka hám óner nomerleri táqdim etildi.
Shara davomında ana tili — xalıqtıń ruwxıy baylıǵı, milliy kimligi hám kelesheginiń kepili ekenligi ayrıqsha atap ótildi. Qatnasıwshılar tildi saqlaw hám onı kelesi áwladlarǵa taza halda.
Nov
19
Nòkis transport texnikumda 18-noyabr Òzbekistan Respublikasi Màmleketlik bayraği qabil etilgen kùn kòterinki ruxta nishanlandi.
“Nókis transport texnikumında 18-noyabr – Ózbekstan Respublikası Mámleketlik bayraǵı qabıl etilgen kún kóterińki ruwxta belgilendi. Usı sáne múnásibeti menen texnikumda ruwxıy-aǵartıwshılıq ilaj shólkemlestirildi. Ilajda ustazlar, oqıwshılar hámde texnikum jámááti belsene qatnastı.
Bayram ilajı dawamında mámleketlik nıshanlardıń áhmieti, ásirese, Mámleketlik bayraǵımızdıń tariyxıy mazmunı hám onıń xalqımız turmısındaǵı ornı haqqında sóz etildi. Shıǵıp sóylegenler bayraq – millettiń maqtanıshı, ǵárezsizlik tımsalı ekenin ayrıqsha atap ótti.
Ilaj dawamında oqıwshılar tárepinen qosıqlar oqıldı, saxnalıq kórinisler kórsetildi hám watansúyiwshilik ruwxındaǵı qosıqlar atqarıldı. Bul bolsa jıynalǵanlarǵa jáne de kóterińki keypiyat baǵıshladı.
Juwmaǵında hámmege elimizdiń tınıshlıǵı, rawajlanıwı jolında pidayı xızmet etiw, mámleketlik nıshanlarǵa húrmet penen múnásibette bolıw zárúr ekenligi jáne bir márte esletip ótildi.”
Oct
14
YUNESKO Ózbekstanda kásiplik bilimlendiriw hám kásipke oqıtıwǵa baǵıshlanǵan milliy sóylesiw ilajın ótkermekte.
“YUNESKO tárepinen Ózbekstanda kásiplik bilimlendiriw hám kásipke oqıtıw sistemasın rawajlandırıwǵa baǵıshlanǵan milliy pikirlesiw ilajı shólkemlestirildi. Bul áhmietli ánjumanda bilimlendiriw tarawındaǵı qánigeler, mámleketlik shólkemlerdiń wákilleri, xalıqaralıq ekspertler jáne professional bilimlendiriw mákemeleriniń basshıları hám oqıtıwshıları qatnaspaqta.
Bul ilajda Nókis transport texnikumınıń jámááti de belsene qatnasıp, óz tájiriybesi hám aldınǵı kózqarasları menen ortaqlastı. Texnikum wákilleri tárepinen kásiplik bilimlendiriw procesin zamanagóy talaplar tiykarında shólkemlestiriw, ámeliy kónlikpelerdi rawajlandırıw, óndiris penen integraciyanı kúsheytiw baǵdarında ámelge asırılıp atırǵan jumıslar tanıstırıldı.
Milliy sóylesiw dawamında qatnasıwshılar kásip-óner bilimlendiriwiniń búgingi jaǵdayı, bar mashqalalar hám olardıń sheshimleri boyınsha pikir alıstı. Sonday-aq, jaslardı zamanagóy kásiplerge oqıtıw, miynet bazarına say kadrlar tayarlaw, innovaciyalıq bilimlendiriw texnologiyaların engiziw máselelerine ayrıqsha itibar qaratıp.
Jul
02
YUNESKO hám Evropa Awqamı wákilleri Nókis transport texnikumında
YUNESKO hám Evropa Awqamı wákilleri Nókis transport texnikumında!
YUNESKO hám Evropa Awqamı wákilleri Nókis transport texnikumına bardı. Olar bul jerde Aldıńǵı professional tayarlıq orayın (Centre of Vocational Excellence – CoVE) shólkemlestiriw joybarı menen tanıstı. Miymanlardı Qaraqalpaqstan Respublikası Joqarı bilimlendiriw, ilim hám innovaciyalar ministrligi bólim baslıǵı K.Ergaliev kútip aldı hám texnikumnıń jumısı menen jaqınnan tanıstırdı.
Sapar dawamında YUNESKOnıń Ózbekstandaǵı wákilxanasınıń basshısı S.Noshadi, Evropa Awqamı Delegaciyasında Birge islesiw departamentiniń basshısı V.Riepma, YUNESKOnıń joybar menedjeri X.Park, Evropa Awqamınıń bilimlendiriw joybarlarınıń menedjeri A.Rustamov, sonday-aq, YUNESKOnıń bilimlendiriw qánigeleri N.Raximov hám R.Axmedov qatnastı.
Joybar sheńberinde oray jaylasqan imarat YUNESKO hám Evropa Awqamınıń investiciyası tiykarında tolıq kapital ońlanıp, zamanagóy úskeneler menen támiyinlenedi. Oray 2026-jıl 1-yanvardan óz jumısın baslawı názerde tutılǵan.
Bul oray Kásiplik jetiklik orayları (CoVEs) koncepciyasına tiykarlanadı. CoVE – bul aldınǵı kásiplik bilimlendiriw hám kásipke oqıtıw mákemesi bolıp, sanaat talapları, regionallıq ekonomikalıq rawajlanıw hám aldınǵı dúnya ámeliyatına sáykes keletuǵın joqarı sapalı bilimlendiriwdi támiyinleytuǵın orın bolıp esaplanadı. CoVE jumıs beriwshiler, siyasatshılar hám trening provayderlerin birlestirip, kásiplik bilimlendiriwde innovaciyalar, birge islesiw hám jetiklikti úgit-násiyatlaydı.
Oray jumısınıń jolǵa qoyılıwı Qaraqalpaqstanda professional bilimlendiriwdiń sapasın arttırıw, texnikum oqıtıwshıları hám óndirislik bilimlendiriw ustalarınıń mamanlıǵın turaqlı rawajlandırıwda áhmiyetli faktor boladı.
May
22
2025-jıl 22-may kúni Tashkent qalasında Milliy qánigelik sistemasın rawajlandırıw institutı tárepinen YUNESKO menen birgelikte “Milliy qánigelik sisteması: házirgi jaǵday hám perspektivalar” atamasında birinshi Xalıqaralıq konferenciya bolıp ótti.
Milliy tájiriybe sisteması – ómir dawamında bilim alıw ushın tiykar
2025-jıl 22-may kúni Tashkent qalasında Milliy qánigelik sistemasın rawajlandırıw institutı tárepinen YUNESKO menen birgelikte “Milliy qánigelik sisteması: házirgi jaǵday hám perspektivalar” atamasında birinshi Xalıqaralıq konferenciya bolıp ótti.
Bul ilaj Evropa Awqamı tárepinen qarjılandırılıp atırǵan TVET joybarı sheńberinde shólkemlestirilip, xalıqaralıq hám jergilikli ekspertlerdi birlestirdi hám bilimlendiriw sistemaların miynet bazarı talaplarına beyimlestiriw máseleleri boyınsha pikir alısıwǵa xızmet etti.
Konferenciyada Nókis qalası transport texnikumı direktorı S.Aybergenov qatnastı hám belsene qatnasqanı ushın sertifikat penen sıylıqlandı.
Ilaj dawamında tómendegi tiykarǵı temalar átirapında sekciyalar shólkemlestirildi:
“Ómir dawamında bilim alıw – milliy qánigelik sistemasınıń tiykarı esaplanadı”;
“Milliy hám xalıqaralıq tendenciyalar sheńberinde sapanı támiyinlew”;
“Milliy mamanlıq sistemasın rawajlandırıwdıń huqıqıy hám shólkemlestiriwshilik tiykarları”;
“Mápdar táreplerdiń potencialın arttırıw.”
Konferenciya qatnasıwshıları ózlerin qızıqtırǵan baǵdarlarda dodalawlarda qatnasıp, ámeliy usınıslar islep shıqtı.
Bunday ilajlar Qaraqalpaqstan joqarı bilimlendiriw sistemasınıń xalıqaralıq tájiriybe menen únles rawajlanıwına xızmet etedi.