YUNESKO Ózbekstandaǵı texnikumlarda AKT xanaların úskenelewdi qollap-quwatlamaqta
Evropa Awqamı tárepinen qarjılandırılıp atırǵan joybar sheńberinde Nókis aldıńǵı kásiplik sheberlik texnikumında AKT xanaları zárúr sanlı infrastruktura menen úskenelenbekte. Úskenelerdi jetkerip beriw procesi dawam etpekte. Jámi 7 smart doska, 182 UPS qurılması menen úskenelengen 182 kompyuter, 7 printer hám 7 Wi‐Fi router jetkerip berilmekte. Úskeneler tolıq jumısqa tayar jaǵdayǵa keltiriliwin támiyinlew maqsetinde YUNESKO xızmetkerleri tárepinen házirgi waqıtta ornatılıp, texnikalıq sınaqtan ótkerilmekte.
Bul process YUNESKOnıń Evropa Awqamı tárepinen qarjılandırılıp atırǵan “Ózbekstannıń awıllıq jerlerinde jumısqa jaylasıw kónlikpelerin rawajlandırıw” joybarı sheńberinde ámelge asırılmaqta.
