Nókisde dáslepki bar dual tálimdi shólkemlestiriwdiń áhmiyetine arnalǵan Respublika forumı dúzildi
Búgin, 28-fevral kúni Nókis qalasında Joqarı tálim, pán hám innovatsiyalar ministrligi hám de Germaniya xalıq aralıq sheriklik jámiyeti (GIZ) menen sheriklikte “Dual tálimdi shólkemlestiriwdiń abzallıqları” temasındaǵı respublika forumı bolıp ótti.
Birinshi ret islengen forumda Qaraqalpaqstan Respublikası Joqarǵi Keńesiniń komitet baslıǵı M. Atamuratov, Qaraqalpaqstan Respublikası Joqarı tálim, pán hám innovatsiyalar ministri B. Qayipbergenov, Germaniya xalıq aralıq sheriklik jámiyeti (GIZ) joybar máslahátshisi Hiris Kristian, Ózbekstan Respublikası Joqarı tálim, pán hám innovatsiyalar ministrligi Professional tálim integraciyası basqarması baslıǵı F. Masharipov, Qaraqalpaqstan Respublikasında iskerlik júrgizeip atırǵan professional tálim shólkemleri, ministrlik hám kárxanalar kishi hámeldarları qatnastı.
Forum qatnasıwshıları daslep professional tálim shólkemlerinde dual tálimdi jolǵa qoyıw boyınsha ámelge asırılıp atırǵan jumıslar hám olardıń nátiyjeleri boyınsha islengen kórgezbe menen tanıstı.
Ilajda sózge shıqqanlar mámleketimizde jaslardıń kásipler hám qánigeliklerdi iyelewge bolǵan qızıǵıwshılıǵın qollap-quwatlaw ushın keń múmkinshilikler jaratıw, usınıń menen birge, professional tálim sistemasında dual tálimdi shólkemlestiriw boyınsha ámelge asırılıp atırǵan jumıslarǵa toqtalıp ótti.
Dual tálim – ekonomikanı rawajlandırıwda zárúrli áhmiyetke iye perspektivalı jónelis esaplanıp, oqıwshı -jaslarǵa tálimdi óz baǵdarına sáykes keletuǵın shólkemde islew menen birgelikte aparıw imkaniyatın beretuǵın sistema bolıp tabıladı.
Bunda jaslar 2-3 kún tálim shólkeminde teoriyalıq bilimlerdi iyelese, 3-4 kún dawamında kárxana hám shólkemlerde haqıyqıy jumıs processinde ámeliy kónlikpelerge iye boladı. Áhmiyetlisi, dual tálim formasında oqııp atırǵan oqıwshılar kárxana hám shólkemlerge jumısqa qabıl etilgen waqıtta olarǵa kárxana tárepinen ustaz biriktiriladi hám mıynet haqı tolıqnadı.
Usı waqıtta bul sistema Germaniya, Avstriya, Shveysariya hám Kareya Respublikası sıyaqlı mámleketlerde ekonomika tarmaqların rawajlandırıwda úlken áhmiyetke iye bolmaqta.
Forumda bayanatshılar respublikamızda dual tálimdi rawajlandırıw keleshekleri, buǵan baylanıslı Germaniya mámleketiniń tájiriybesi, dual tálimde oqıwshı, kárxana, tálim shólkemi hám mámlekettiń sherikliktegi jumısları haqqında maǵlıwmatlar berdi.
Atap ótiw kerek, Qaraqalpaqstan Respublikasında búgingi kúnde 31 professional tálim shólkeminde 745 kárxana hám shólkemler menen sheriklikte dual tálim jolǵa qoyılǵan bolıp, olarda 1716 dana oqıwshı kásip hám qánigelik sırların úyrenip atır.
Buǵan baylanıslıǵı nátiyjelililikti asırıw maqsetinde kelesinde Amudarya, Qoraózek, Qońırat rayonları hám Nókis qalasındaǵı texnikumlarda 10 nan artıq kásip hám qánigelik túrleri boyınsha dual tálimdi jolǵa qoyıw, sonıń menen birge, bul arqalı dual tálimge qamrov dárejesin 3000 dana oqıwshına, olarda uyretiletuǵın kásipler sanın 20 ǵa, sherik kárxana hám shólkemler sanın 1000 ǵa jetkiziw joybarlastırılǵanlıǵı aytıp ótildi.
Forum sheńberinde professional tálim shólkemleri menen ministrlik hám kárxanalar arasında dual tálimdi jolǵa qoyıw boyınsha sheriklik boyınsha tiyisli shártnamalar qol qoyıldı.
Forum dual tálimdi ámeliyatqa keń engiziwdiń áhmiyeti, buǵan baylanıslı ámeldegi máseleler hám olardıń sheshimleri, tarawda kelesinde ámelge asırilatuǵın jumıslar talqılawı hám soraw -juwaplar menen dawam etdi.
